如何解決路西法效應？

學者Dr. Zimbardo於TED Talk中詳述路西法效應及其解決方案。佢提出能夠左右好人變壞人嘅過程有三個重要緊緊相連嘅元素：

1. 個人處事方法和態度 (individual disposition)

2. 環景(situation)

3. 決定權力分佈嘅系統(system of power)

Dr. Zimbardo認爲一個設計不良嘅系統(system)將會令壞事(situation)發生，最後依d事將導致當事人很容易地運用錯誤嘅處理方法，然而當事人因每日重複其行爲，加上有權力系統加持，因而認爲自己無錯 (individual disposition)。因此要令人嘅處理方法同態度變好，有兩個重要方向：

1. 揾出並改善系統中嘅問題，從而改變現時有問題嘅環境，長遠改變人嘅處理方法同態度

2. 直接教育人應怎樣正確面對問題

可能有人覺得依套理論會好似比左d藉口犯事嘅人賴個環境甘：做壞事可能係因爲情景或決定權力分佈嘅系統，而並不是犯事嘅人自己嘅錯？但的確，心理學研究中有樣野叫做“認知失調”(Cognitive Dissonance) - 就係講緊好多人認爲我地諗嘅野決定曬我地每日做嘅事，但其實依個諗法並不完全正確，因爲我地做嘅野都會調轉頭影響我地諗嘅野（好似有d人會買完一樣野之後越來越鍾意個樣野甘）。

如果我地每日嘅環境係會令人不斷犯錯，久而久之，犯錯成習慣，變成自己嘅態度，慢慢覺得其實個d錯都唔係咩野問題，甘就會令人返唔到轉頭。相反，如果系統設計精良，規範到人每天都係做正確嘅事，久而久之將變成我地心裏内在嘅諗法 - 因此版主認爲一個好系統其實先係最有效教育人應怎樣正確面對問題嘅方法。

再具體d講，就好似Dr. Zimbardo當年研究美軍點解會虐待囚犯：犯法唔洗負責（有國家機構CIA默許）、蒙面/唔洗show 編號（國家機構批准，令士兵嘅身份難以辨認，直接逃避責任）等等。依d就係權力機構嘅腐敗，系統設計不良，導致人係一個環境下做出錯誤嘅處理方法，活生生嘅例子。

各個權力機構，均應以此爲鑒，不然後果不堪設想。

Dr Zimbardo TED Talk ：https://www.youtube.com/watch?v=OsFEV35tWsg

相片來源：TED Talk截圖