團體間偏差

進化論學家提出，人天生需要得到同伴嘅認同感，繼而得到同伴係必要時幫拖，有助我地自己嘅生存，因此我地好多時會同與自己做法諗法相近嘅人熟d（甘會較容易得到同伴嘅認同），久而久之形成左一個内團體(ingroup)，而依個内團體就變成左我地一部分嘅身份(identity)。

但係心理學家就發現左個問題。當形成左内團體(ingroup)同埋外團體(outgroup)，就會發生團體間偏差(Intergroup Bias)，主要會有兩件事情發生：

(1) 内團體偏私(Ingroup favoritism): 自己友做咩都岩，幫自己友解釋，鍾意團體内嘅所有野

(2) 外團體貶抑(Outgroup derogation)：街外人就所有野都係錯嘅，街外人做嘅所有野都係為左負面地影響内團體嘅運作，街外人就係壞人

依個時候，好容易就會出現標簽理論(Labelling Effect)：内團體為自己同埋外團體作個標簽用來識別兩個團體嘅分別，由於外團體貶抑，好多時對外團體嘅標簽都頗妖魔化，同埋貶抑外團體，甘樣會出現嘅結果就係：(1)外團體好討厭内團體；(2)外團體入面嘅個人慢慢就會調整自己嘅做法令自己符合標簽甘樣，從而加强自己嘅身份認同感。事情發生至此，内團體同外團體兩幫人就會越行越遠，越來越唔瞭解對方，越來越討厭對方，相反對内團體嘅認同就越來越多，做事手法同埋諗法就越來越傾向采用内團體所認可嘅手法同埋諗法。依個結果叫做群體極化(Group Polarization)。