疏離型管教和逃避型依附

(相片來源：Daily Mail)

好多人都有以下嘅情況：不能好好結交知心好友、日常抑壓情感、超獨立處理日常生活等等。究竟有無諗過成因呢？今日我就介紹其中一種：

“疏離型管教 → 童年情感忽視 → 逃避型依附 → 今天可能遇到嘅問題”

疏離型管教 (Neglectful parenting)

學者提出家長照顧子女主要有四種模式：權威型(authoritative)、威權型（authoritarian）、放任型（permissive）和疏離型（neglectful）。今日主要介紹疏離型。疏離型主要特質就係父母不太理會子女，可能都會繼續提供物質支持，但當子女有實質問題/情感需求時，父母都不在身邊/無提供協助，此為疏離型父母。

童年情感忽視(Childhood emotional neglect)

由於疏離型父母係子女有情感需求（進化心理學：嬰兒或小朋友一般有强烈情感需求，因爲依d情感需求將令佢地日後懂得維持人際關係）時並無提供協助，子女需要用自己嘅方法情感需要。但人仔細細有點會識得好好處理自己嘅情緒？好多小朋友因此用嘅方法就係逃避/盡量減少情緒起伏/令自己唔好甘唔開心就算，所以好多時唔開心就將唔開心嘅源頭放埋一邊，專注其他事情，慢慢就做成童年情感忽視。

逃避型依附(Avoidant attachment)

依附理論係人際關係中佔一個超級重要嘅地位。簡單d黎講，依附理論就係解釋係人點樣看待同伴同埋情感上點樣依賴同伴，一般分開4種：安全型(Secure)、抗拒型(Resistant)、逃避型(Avoidant)和混亂型(Disorganised)。今日集中講逃避型。一個經典心理學實驗將嬰兒和母親放係一間陌生房間裏面，母親離開，然後研究員觀察嬰兒嘅表現，及後再邀請母親回歸房間和嬰兒身邊，再記錄嬰兒重新見到母親嘅表現。實驗發現逃避型嬰兒於母親離開時表現平淡/冷靜，會繼續自己主動探索房間，於母親回來時，卻繼續表現平淡和拒絕親近母親。逃避型依附嘅典型特徵就係處事超級獨立、用盡方法壓抑情感/不表現情感、盡量獨立自行處理所有遇到嘅問題/需要。

1、2、3嘅關聯和發展過程

當父母嘅管教方式為疏離型，子女小時候嘅需求得不到協助或父母的回應，剛開始時子女將會有一段“掙扎”期，即不斷爭取得到父母回應，但一段時間以後，子女將“學懂”父母不會回應，因此用自己嘅方法處理麻煩/唔開心，但正如2.所述，小朋友一般不懂得如何處理，因此忽略左自己嘅情感，慢慢甚至變得冷淡/感覺不到太多情緒起伏了。

係依個時候，子女就對父母形成逃避型依附：即使父母之後主動揾反子女，子女會反而避開父母（就好似上述個嬰兒甘），原因係子女已習慣一個人解決所有野，佢地不習慣有其他人好親近/好似有d野要依賴別人甘（童年受到父母忽視令佢地對要求別人幫助有陰影，因爲若再受忽視將感到更加受傷）。

依一種逃避型依附慢慢變成佢地看待所有關係嘅方法（研究實證依個generalization），因此對著其他人，佢地都覺得不應需要別人幫助或期待其他人會幫佢地（童年太創傷），所以好多野都自己處理，而係別人眼中有獨立處理問題嘅能力係好叻嘅人，因而繼續鼓勵佢地獨立處理(positively reinforced)。同時由於小時候嘅經歷，結交知心好友或會遇到阻力：佢地唔知道會唔會遇到好似小時候甘嘅忽略，因此可能會避免與別人交心，避免得不到回報。所以若有人主動係不用佢地自己要求嘅情況下提供幫助，佢地將會覺得十分感動/高興。

係情感處理方面，佢地依然偏向使用小時候成功嘅方法：如果小時候成功抑制情感，大個之後會繼續。人大後，遇到嘅唔開心會越多，若依種抑制嘅方法變成自然/自動(unconscious)嘅方法，人甚至有可能係自己感覺到唔開心前已進行抑制（畢竟開唔開心都只係腦部有無釋放安多芬罷了），佢地可能會感覺唔到太多情感，但依d壓力/唔開心從來都係到，甚至有時候會由身體不適反映出黎。

因此父母教育真係好重要。各位大時大節（尤其係情人節），諗清楚先好做任何野（誤）。

#父母 #教育 #心理 #行爲 #身心行Mindhealth