“新的一年，新的自己”

近排過左兩個新年，大家一定聼“新的一年，新的自己”嘅論調。但係有研究發現只有少於10%人會keep住堅持自己嘅新年願望多過幾個月 -

大家要認清日曆上翻過12頁係並唔會、不會、不能改變你嘅人生架！

你係唔會因爲甘變成一個新嘅自己架！

甘點算呀？不同人有不同方法去變成“新的自己”，但其實只要知道一個大原則，每個人都可以自己創作多個方法出黎：我地雖不能一時三刻創造到一個全新最理想嘅自己，但我地其實可以係短時間内創造到一個讓自己改變嘅環境，繼而之後就可以由依個環境逼我地作改變。

當中嘅理論就係認知失調(Cognitive Dissonance)。簡單d黎講，就係其實你嘅行爲同埋諗法會互相影響 - 即係行爲係可以調反轉頭改變我地嘅諗法架！！所以，當我地創造作一個新嘅環境比自己逼自己用新嘅方法處理，“創造新環境”依個行爲本身都已經開始會慢慢令我地自己嘅諗法改變，而不斷用新方法處理將慢慢潛意識地改變我地嘅諗法。

所以，要減肥嘅你要改變你嘅環境（e.g.買gym pass，扔曬屋企d零食...)，要創業嘅你要改變你嘅環境（e.g.轉工以換取多點時間...)，需要改變嘅你將要立即改變你嘅環境，亦即係講到爛嘅Step out of your comfort zone!!

祝各位願望成真！（其實依個post版主係寫比自己睇，版主都要改變啦！）

相片來源：Pinterest