攝影心理學

熱愛攝影嘅你應該經常研究快門、光圈、鏡頭、構圖仲有關於攝影技術嘅一萬樣野，但係你有無諗過點解自己會想影相呢？其實有一門叫做攝影心理學（Photo Psychology)嘅心理學門派正正就係研究點解攝影/照片同埋個人心理嘅互相影響，等我係度簡單介紹佢嘅理論。

有學者指出人嘅記憶由三部分組成：(1)主觀感覺(Perception) 、(2)生理反應(Physical sensations)和 (3)情緒反應(Emotional response)。三者嘅運作機制就係當有件事情發生嘅時候，我地將會透過自己獨有嘅角度(framing)去理解依件事，繼而形成(Perception)，因此做成相應嘅感官生理反應和情緒反應，而這些反應將會加强我地對事情嘅perception，因此三個元素環環緊扣。

研究發現大部分人嘅Perception係以視覺(visual)主導，亦有相當部分人係聽覺主導或嗅覺主導。由於我地嘅perception好多時係由視覺主導，因此唔少人就會對特別嘅照片很有興趣：依d照片嘅某d視覺元素（主要包括5項：構圖、綫條、光綫、主體、景深，當然仲有好多好多係依度數唔曬）令我地想起某d回憶，繼而觸發生理和情緒反應。因此，好多人都話攝影從來都具備令攝影師瞭解自我嘅功能。

係接下來嘅時間，我將會慢慢解構攝影心理學（事關近期版主突然中意左影相），解釋一下攝影師構思照片時嘅心理狀態、如何與照片主體互動、如何透過記錄光綫了解自己，亦會解釋一下觀衆睇到別出心裁嘅照片嘅反應、觀衆如何與攝影師、主題甚至照片背景互動，有興趣可以留意一下。

#change #anxiety