抗疫注意！心理情緒或會影響免疫系統！
- Toby Cheung
- Feb 3, 2020
- 1 min read
美國賓夕法尼亞州立大學做左一個實驗，叫d參加者係兩星期入面記錄自己嘅情緒起伏，同時研究員亦會抽血記錄參加者身體嘅發炎情況（所謂發炎情況其實每天都發生：當有病菌入侵，身體免疫系統開始殺菌消毒，就會做成發炎）。結果發現，一天經歷幾次唔開心嘅參加者比其他人更多發炎。研究員亦發現若佢地係參加者剛經歷負面情緒後立即抽血，發炎情況會較嚴重，反之，若參加者剛經歷正面情緒，發炎情況則較輕。雖然研究員强調此實驗結果需更多科學證據核實，但初步黎計，心理狀態係會影響免疫系統，以至我地嘅身體健康架！！因此，我地係依個武漢肺炎越發嚴重嘅時勢下，保持心境開朗或多或少幫助抗疫呀！
不過要係咁嘅情況保持開朗真係唔係易事。版主建議若各位因疫情嚴重而身心困擾，可做以下事情：
1. 限制自己每天吸收有關疫情資訊嘅時間，不要長期電視放新聞（但每日一定都要瞭解下，畢竟情況每天都在變）
2. 留家時，多做平日無時間做嘅野（例如清潔家居、執屋、諗下點樣令自己平日生活便利d、睇下書煲下劇）
3. 情況容許下多做運動
4. 做下有興趣嘅活動
正常過生活，畢竟好多打工仔好耐都未試過唔洗儸假就可以留係屋企甘耐!!
Comments